Pagesat Digjitale: Shqipëria në prapambetje
Nëse vendi ynë vit pas viti po bëhet një destinacion turistik i preferuar, shumë turistë nga jashtë vendit janë të interesuar për të përdorur pagesa elektronike, por ato nuk janë të shumta në Shqipëri, sidomos në tregtinë me pakicë.
Një studim i ri i Bankës Botërore tregon se Shqipëria ka shifrën më të ulët të popullsisë mbi 15 vjeç që përdor pagesa elektronike. Në vitin 2021, sipas raportit vetëm 35% e popullsisë mbi 15 vjeç në Shqipëri mori ose kreu një pagesë elektronike në krahasim me 29% në vitin 2017.
Banka Botërore vëren se vendet e tjera të rajonit kanë bërë zhvillime më të shpejta në këtë drejtim, madje edhe Kosova renditet shumë më lart. Në vitin 2021, rreth 48% e popullsisë mbi 15 vjeç në Kosovë kishte përdorur pagesa elektronike, ndërsa në Bosnjë ishte 67%, në Maqedoninë e Veriut, 74%, dhe në Serbi 87%.
Ndërsa ekonomitë bëhen më të lidhura me teknologjinë, pagesat elektronike janë shumë të rëndësishme për këtë zhvillim. Ato e lehtësojnë zhvillimin e aktiviteteve ekonomike dhe financiare në një normë më të shpejtë, më efikase dhe më të sigurt. Pagesat elektronike kontribuojnë në efikasitetin dhe sigurinë e operacioneve të biznesit në vend.
Në të njëjtën kohë, ato ndihmojnë në reduktimin e ekonomisë informale dhe rritjen e transparencës. Nëse pagesat elektronike do të rriteshin me 10 për qind, kjo do të reduktonte ekonominë informale me 2 për qind.
Banka Botërore propozon që përpjekjet për të përmirësuar infrastrukturën e pagesave kërkojnë përmirësimin e legjislacionit dhe rregullimit për të përputhur me direktivat e Bashkimit Europian, duke rritur sigurinë e sistemeve të pagesave, aspektet e njohjes së klientëve, si dhe fillimin e sistemeve të pagesave të shpejta që janë ende të munguara në Ballkan.
Hello.al
