Ndikimi i asteroidit: gjurmë 10,000 km
Një imazh e re tregon se një asteroid i cili u godit qëllimisht nga sonda Dart e NASA-s ka lënë një shenjë që shtrihet mijëra kilometra.
Një teleskop në Kili kap imazhin e jashtëzakonshëm të një shtëllungë si kometë që përhapet pas shkëmbit të madh.
Sonda e rrëzoj javën e kaluar për të testuar nëse asteroidët që mund të kërcënojnë Tokën mund të ndryshojnë rrugën.
Shkencëtarët po punojnë për të përcaktuar nëse testi ishte i suksesshëm dhe trajektorja e asteroidit ndryshoi.
Imazhi i jashtëzakonshëm u mor dy ditë pas përplasjes nga astronomët, të cilët mundën të kapnin shenjën e madhe duke përdorur Teleskopin Kërkimor Astrofizik Jugor (Soar).
Shenja që la asteroidi shtrihet për më shumë se 10,000 km (6,200 milje) dhe pritet të bëhet edhe më i gjatë derisa të shpërndahet plotësisht dhe të duket si pluhuri hapësinor që ndodhet përreth.
“Është e mahnitshme se sa qartë mundëm të kapnim strukturën dhe shtrirjen e shenjave pas goditjes”, tha Teddy Kareta, një astronom i përfshirë në vëzhgim.
Shenja e mbeturinave do të monitorohet gjatë javëve dhe muajve të ardhshëm, tha Michael Knight nga Laboratori i Kërkimeve Detare të SHBA.
Misioni Dart prej 325 milionë dollarësh pa kur sonda u përplas qëllimisht në asteroid dhe duke e shkatërruar atë.
Do të kalojnë disa javë para se shkencëtarët të dinë nëse eksperimenti i tyre ka funksionuar.
Megjithatë, Dr Lori Glaze, drejtoresha e shkencës planetare në NASA, ishte e bindur se diçka e jashtëzakonshme ishte arritur nga misioni.
“Ne po hyjmë në një epokë të re të njerëzimit, një epokë në të cilën ne potencialisht kemi aftësinë për të mbrojtur veten nga diçka si një goditje e rrezikshme e asteroidi. Çfarë gjëje e mahnitshme; ne kurrë nuk e kemi pasur atë aftësi më parë”, tha ajo.
Shkencëtarët do të përcaktojnë nëse misioni ka qenë i suksesshëm duke studiuar ndryshimet në orbitën e Dimorphos rreth një asteroidi tjetër të quajtur Didymos.
Hello.al
