Musk shet aksione të mëdha të Tesla-s
Pionieri i Tesla-s, Elon Musk, ka transferuar ditët e fundit aksione të kompanisë në vlerë 7 miliardë dollarë, vetëm pak muaj pasi ai deklaroi se nuk dëshironte të transferonte më aksione nga prodhuesi i makinave elektrike.
Sipas “Wall Street Journal”, dokumente tregojnë se, Musk ka transferuar gjithsej 7.9 milionë aksione mes të premtes 5 dhe të martës 9 gusht.
Nuk dihet ende arsyet e kësaj lëvizje financiare të njeriut më të pasur të planetit. Disa kohë më parë Musk u padit nga kompania Twitter e cila e akuzon miliarderin se u tërhoq nga marrëveshja për ta blerë atë, duke i prishur imazhin dhe ulur aksionet në bursa.
Musk nga ana tjetër pretendon se është mashtruar në negociata pasi Twitter ka një përqindje shumë të madhe përdoruesish falsë dhe joaktivë.
Top Albania Radio raporton se aksionarët e Tesla Inc (TSLA.O) votuan për rekomandimet e bordit për shumicën e çështjeve në asamblenë vjetore të kompanisë të enjten, duke përfshirë rizgjedhjen e drejtuesve, miratimin e ndarjes së aksioneve, ndërsa refuzuan propozimet e fokusuara në mjedis dhe qeverisje.
Votat për tre nga 13 propozimet nuk ndoqën rekomandimet e bordit, sipas llogarisë paraprake të paraqitura në asamblenë vjetore të aksionarëve në Austin, Teksas.
Mbi kundërshtimin e bordit, aksionarët miratuan një propozim këshillues që do të rriste aftësinë e investitorëve për të emëruar drejtuesit.
Rikujtojmë, se Tesla po përgatitet që të rrisë prodhimin, teksa drejtori ekzekutiv i kompanisë Elon Musk u tha aksionarëve se kompania e makinave elektrike po synon prodhimin e 20 milionë makinave të reja në vit.
Shefi i Tesla tha se numri i prodhimit mesatar nga çdo fabrikë do të rritet nga numri aktual prej 1.5 milion makina, në 2 milionë makina në vit.
Hello.al
