Lajm i Fundit: Mercedesi Sportiv në Ankand për $1.4M!
Super-makina e parë sportive në botë është hedhur në fund në ankand në Belgjikë dhe fansat e saj do të mund të fillojnë ofertat 1.3 milionë euro.
Versioni ngjyrë të argjendtë i vitit 1961, 300 SL Roadster Mercedes mund të shkojë shpejtësi deri në 210 km në orë dhe vjen me një seri opsionesh të mrekullueshme të prodhimeve klasike.
Një zëdhënës i ankandeve tha: “Makina sportive e epokës ka tërhequr shpejt vëmendjen e disa personave të fiksuar si anëtarë familjesh mbretërore, yje të ekranit dhe aristokratë”.
“Kjo mendohet se ishte makina e parë sportive në botë. 300 SL mbetet sërish një automobil praktik, po aq i civilizuar në qytet, sa ç’është emocionuese në autostradë.”
Vetëm 1,858 modele të tilla u prodhuan, shumica e të cilave u shitën në Shtetet e Bashkuara.
Versioni ka timonin në krahun e majtë dhe duket sikur ka dalë nga një film i James Bond, me ngjyrën sportive dhe çatinë e konvertueshme.
Trupi i saj është rindërtuar në vitet 1990 në Gjermani ndërsa ruan motorin origjinal Mercedes-Benz.
Makina mund të shkojë nga zero në 100 km në orë brenda tetë sekondave, çka është një karakteristikë e mrekullueshme për kohën kur është ndërtuar.
Shitësi i saj Gregory Tuytens thotë për mjetin: “Pas një rindërtimi prej 1,200 orësh në vitet 1990s, mjeti sportiv 300 SL prezantohet me një veshje klasike të argjendtë Mercedes-Benz dhe veshje të brendshme të kuq të errët.”
Hello.al