Sateliti i Monitorimit Klimatik në mbretërinë e Bashkuar
Organizata Hapësinore e Mbretërisë së Bashkuar bëri të ditur se sateliti i ri do të asigurojë “informacion të rëndësishëm dhe të përditësuar në rregull” në Tokë dhe do të ndihmojë në zbulimin, monitorimin dhe reduktimin e rrezikut të katastrofave natyrore.
Një satelit i ri që do të ndihmojë shkencëtarët të monitorojnë ndryshimet klimatike dhe katastrofat natyrore, ai do të ndërtohet dhe financohet nga Britania e Madhe.
Vendi do t’i bashkohet Portugalisë dhe Spanjës në projektin ‘Atlantic Constelation’, i cili po zhvillon një grup satelitësh për të monitoruar Tokën.
Organizata Hapësinore e Mbretërisë së Bashkuar po ofron 3 milionë funte për një satelit të ri, me bashkëfinancim nga ‘Open Cosmos’, bazuar në Kampusin Hapësinor ‘Harwell’ në Oxfordshire.
Sateliti i ri do të asigurojë “informacion të rëndësishëm dhe të përditësuar në rregull” në planet.
Ai gjithashtu do të ndihmojë në zbulimin, monitorimin dhe reduktimin e rrezikut të katastrofave natyrore.
Andrew Griffith, ministër në Departamentin për Shkencën, Inovacionin dhe Teknologjinë, tha: “Vëzhgimi i Tokës do të luajë një rol absolutisht jetik në trajtimin e sfidave globale si ndryshimi i klimës dhe lehtësimi i katastrofave, duke ofruar të dhënat që na nevojiten me shpejtësi, duke mbështetur industritë kryesore në Mbretërinë e Bashkuar, si bujqësinë dhe energjinë.
“Duke punuar me ‘Open Cosmos’ në një satelit të ri dhe duke mbështetur partnerët tanë në Atlantik, Spanjën dhe Portugalinë, ne mund të shfrytëzojmë teknologjinë hapësinore për qëllimet tona të përbashkëta, duke krijuar mundësi të reja aftësish dhe vende pune për të ardhmen për të rritur ekonominë e Mbretërisë së Bashkuar.”
Hello.al
