Microsoft: Inovacion global për biznesin!
Microsoft deklaron se ka anuluar një “modifikim në rrjet”, për të cilin mendon se mund të jetë shkaktari i vështirësive që hasën dhjetëra mijëra përdorues nëpër gjithë botën të cilët nuk arrinin dot të kishin hyrje në shërbimet e tij, duke përfshirë këtu Teams dhe Outlook.
Downdetector, i cili ndjek problemet me faqet e internetit, sqaroi se mbi 5,000 individë në Mbretërinë e Bashkuar raportuan sot se emailet e Outlook nuk po funksiononin. Po ashtu kanë hasur vështirësi edhe sisteme të tjera si Xbox Live.
Sipas Microsoft, disa përdorues kanë njoftuar tani se situata i është rikthyer në normal. Kompania megjithatë vazhdon të monitorojë me qëllim që të rikthehet shërbimi sa më shpejt. Ka ende individë që raportojnë vështirësi te Downdetector, megjithëse numri i tyre në nivel global është reduktuar tani në disa qindra.
Më herët u tha se bllokimi kishte ardhur si pasojë e “disa sfidave me konfigurimin e rrjetit”. Firma po verifikon edhe një problem të shfaqur me shërbimin e saj cloud, Azure, mbi të cilin bazohen shumë kompani për produktet e tyre. Microsoft Teams në anën tjetër përdoret nga më shumë se 280 milionë individë në mbarë botën, kryesisht për telefonata, takime dhe organizime të ndryshme.
Hello.al
