Kina ndalon internetin natën për të miturit
Fëmijët nën 18 vjeç në Kinë nuk do të mund të hynë më në internet në telefonat e tyre celular gjatë natës dhe koha e tyre online gjatë ditës do të jetë e kufizuar, sipas legjislacionit të ri kundër varësisë ndaj internetit.
Bazuar në këto kufizime, të cilat pritet të hyjnë në fuqi më 2 shtator asnjë i mitur në Kinë nuk do të mund të hyjë në internet nëpërmjet një celulari nga ora 22:00 deri në orën 06:00 të mëngjesit .
Përveç kësaj, do të vendoset gjithashtu një sistem për të kufizuar kohën ditore të shpenzuar në internet: adoleshentët e moshës 16-17 vjeç do të mund të jenë online për dy orë, krahasuar me vetëm 40 minuta për fëmijët nën 8 vjeç.
Kina është një nga vendet që po zbaton masat më të rrepta në botë për kufizimin e internetit te fëmijët.
Nga viti 2021, ajo kufizoi sasinë e kohës që fëmijët mund të shpenzojnë duke luajtur online në ditë. Kina gjithashtu rriti aprovimet për lojërat e reja të videos, duke shkaktuar trazira në mesin e shumë kompanive në këtë sektor./ tar
Hello.al
