Kanadaja ndalon përdorimin e TikTok-ut
Kanadaja ka bërë të ditur se do të ndalojë përdorimin e aplikacionit TikTok në të gjitha pajisjet qeveritare, duke filluar nga dita e martë.
Kjo vendim vjen pas një rishikimi që i kanë bërë këtij aplikacioni zyrtarë qeveritarë për informacion.
Qeveria kanadeze ka thënë në një deklaratë se ky aplikacion “paraqet nivel të pakomparueshëm të rrezikut për privatësinë dhe sigurinë”.
Personat përfaqësues të TikTok-ut kanë thënë se kompania është e zhgënjyer me këtë vendim. Kjo vendim vjen disa ditë pasi edhe Komisioni Evropian ka prezantuar një ndalesë të ngjashme.
Shefi i qeverisë kanadeze, Justin Trudeau, ka thënë se ekzistojnë mjaft shqetësime për sigurinë e këtij aplikacioni.
“Ky mund të jetë hapi i parë, ky mund të jetë hapi i vetëm që ne duhet ta marrim”, ka thënë ai në një konferencë për media në Toronto.
Aplikacioni TikTok është kritikuar edhe në të kaluarën për përdorimin e informacionit personal, dhe për lidhjet me Qeverinë kineze.
Ky aplikacion i formatit me video të shkurtra është në pronësi të kompanisë kineze, ByteDance.
Punonjësit qeveritarë në Shtetet e Bashkuara u është ndaluar përdorimi i TikTok-ut vitin e kaluar.
Shtëpia e Bardhë ka bërë të ditur më 27 shkurt se agjencitë qeveritare kanë 30 ditë kohë për ta fshirë aplikacionin nga të gjitha sistemet.
Një numër i universiteteve amerikane gjithashtu kanë ndaluar përdorimin e aplikacionit në rrjetet e tyre. Ndalesa më të mëdha publike janë zbatuar në Indi dhe në disa shtete aziatike.
Zyrtarët e TikTok-ut vetë mbajnë që Qeveria kineze nuk ka qasje në të dhëna, dhe se një version kinez i aplikacionit funksionon ndaras prej atij që përdoret në pjesën tjetër të botës.
Megjithatë, ata kanë pranuar vitin e kaluar se një pjesë e stafit në Kinë mund të ketë qasje në të dhënat e përdoruesve në Evropë./ Radio Evropa e Lirë
Hello.al
