Fshirja e mesazheve ne WhatsApp
Në kohët e fundit, WhatsApp ka introduktuar një karakteristikë interesante për ata përdorues që fshijnë një mesazh në mënyrë aksidentale.
Funksioni i ri quhet ‘Accidental Delete’ ose ‘Undo Delete for Me’ dhe është në përputhje me shumicën e versioneve të përditësuara të WhatsApp në iOS dhe Android.
Arsyeja primare për prezantimin e “Accidental Delete Feature” është për situatat kur njerëzit fshijnë në mënyrë aksidentale një mesazh të rëndësishëm duke zgjedhur “Delete for Me” në vend të “Delete for Everyone”. Përmes azhurnimit të ri, mesazhi i fshirë do të rikthehet menjëherë.
Kompania, nëpërmjet një deklarate, tha se: Ne të gjithë e kemi provuar këtë, por tani ju mund t’i bëni “UNDO” kur fshini aksidentalisht një mesazh vetëm për ju por keni dashur ta fshini edhe për personin tjetër!
Përditësimi më i fundit i WhatsApp përmban disa avatarë të personalizuar në aplikacionin e njohur të mesazheve. Përdoruesit në të dyja pajisjet Android dhe iOS do të jenë në gjendje të krijojnë karakteret e tyre virtuale 3D dhe t’i vendosin si foto profili. Kjo është hera e parë që kompania e prezanton këtë veçori në WhatsApp. Ajo e ka shpërndarë tashmë në platformat e tjera të saj Facebook dhe Instagram dhe Messenger.
Hello.al
