Bllokim i rrjeteve sociale: Reagim nga Facebook
Shefi i departamentit të komunikimit në Facebook, Andy Stone ka reaguar në platformën e mikro-bloggingut Twitter për rrjetet sociale në pronësi të Facebook që kanë dalë jashtë funksioni për rreth një orë.
“Ne po punojmë për t’i kthyer gjërat në normalitet sa më shpejt që të jetë e mundur dhe kërkojmë falje për çdo shqetësim,”– tha ai, pasi WhatsApp, Instagram dhe Facebook Messenger janë të gjitha në pronësi të Facebook.
Platformat më të klikueshme të komunikimit me mesazhe janë bllokuar në të gjithë botën.
Në të tri platformat, problemi është në rifreskimin e faqes dhe kudo shfaqet mesazhi: “Nuk mund të shohësh përditësimin e faqes.”
Ndërkohë, përdoruesit i janë drejtuar rrjetit social Twitter për të treguar se aplikacionet më të mëdha të komunikimit kanë dalë jashtë funksionit pasi nuk dërgohen mesazhet.
Hello.al
