Zuckerberg paralajmëron kundër screenshot-ave në Messenger

Pronari i Facebook edhe kompanisë simotër Meta, tha në një postim se së shpejti një update në rrjetin Messenger do të njoftojë përdoruesit se një imazh i bisedave të tyre është marrë nga një tjeter përdorues.

“Një përditësim i rrjetit Messenger do të dërgojë njoftimin nëse dikush ka marrë foto të një mesazhi që zhduket,” shkruante Zuckerberg të shoqëruar me një ‘screenshot’ të një bisede me gruan e tij.

Njoftimi vjen  pas shtimit të një opsioni në platformën Messenger për zhdukjen e mesazheve pas një kohe të caktuar.

Opsioni është nisur në SHBA dhe pritet të vijë edhe për përdoruesit e Facebook në Evropë, thotë rrjeti USA Today.

Disa platforma të tjera të mesazhesh kanë sjellë opsionin e zhdukjes së mesazheve dhe të njoftimit kur një bisedë është fotografuar me ‘screenshot’.

Raportimet thonë se lëvizja e Facebook vjen si reagim ndaj shqetësimeve të sigurisë dhe të privatësisë në rrjet.

Por të tjerë përdorues kishin rekomandimet e tyre: “Kur do të shtohet butoni ‘nuk e pëlqej?’”, shkruante dikush në postimin e Zuckerberg.

Dikush tjetër i pakënaqur shtonte: “Ndoshta mund të mësoni gjithashtu si të ushqeni të uriturit, të strehoni të pastrehët apo diçka tjetër”.

Hello.al