Shkencë: Shqipëria pasoi Europën në studime shkencore
Shqipëria renditet në vendin e fundit në Europë për hulumtimet shkencore.
Të paktën në këtë përfundim është publikuar një studim i prestigjiozes Science që mat artikujt e publikuar në të gjitha shtetet e Europës në fusha si fizika, biologjia, kimia, matematika, mjekësi, bioteknologji, inxhinieri dhe shkencat e tokës dhe hapësirës.
Kriter për të arritur në këtë përfundim studimi ka marrë numrin e përgjithshëm të publikimeve shkencore nga shtetet e Europës, përfshi këtu edhe Shqipërinë.
Sipas studimit, të cilin e përcjell revista Monitor, Shqipëria ka publikuar vetëm 6 artikuj për 100 mijë persona, duke u vlerësuar si niveli më i ulët në të gjithë Europën, pasi Serbia ka publikuar 69 artikuj shkencorë për 100 mijë banorë, Mali i Zi ka publikuar 50, Maqedonia e Veriut 21 dhe Kosova 15.
Sipas specialistëve të fushës, një nga vështirësitë kryesore pse Shqipëria prodhon kaq pak studime shkencore është edukimi shkencor i kufizuar dhe mungesa e programeve të specializuara në nivelet më të larta të arsimit.
Gjithashtu, një problem tjetër është mungesa e bashkëpunimit ndërkombëtar dhe e lidhjeve të dobishme me institucione dhe organizata të tjera shkencore. Kjo ka bërë të vështirë pjesëmarrjen aktive të shkencëtarëve dhe studentëve shqiptarë në projekte ndërkombëtare dhe shkëmbim të njohurive.
Hello.al
