Samsung Galaxy S21 FE: Fota e Parë
Versioni “Fan Edition” i modeleve kryesore të Samsung pritet të vijë në treg në korrik ose gusht.
Si me Samsung Galaxy S20, Galaxy S21 pritet të ketë gjithashtu një version “Fan Edition” (FE). Samsung po fokusohet në karakteristikat më të njohura të telefonit të saj kryesor, të cilat do të jenë në dispozicion me një çmim të perballueshëm. Kompania ishte shumë e suksesshme me modelin Galaxy S20 FE, sipas pretendimeve të tyre.
Paraqitjet e para për Samsung Galaxy S21 FE kanë filluar të lëshohen. Siç tregojnë imazhet e publikuara nga On Leaks, pajisja është jashtëzakonisht e ngjashme me Galaxy S21. Ekrani 6.4 inç duhet të jetë pak më i madh se S21, por më i vogël se S20 FE. Të tria lente të kamerës në pjesën e pasme janë ende të pranishme, por duhet të kenë kualitet të përshtatshëm në krahasim me modelin origjinal.
Fotot nuk ofrojnë asnjë informacion rreth specifikimeve. Megjithatë, është e mundur që shpejtësia e rifreskimit e ekranit deri në 120 Hz të ruhet edhe në Fan Edition. Procesori Snapdragon 888 i S21 pritet të gjendet gjithashtu në versionin më të lirë. Nuk dihet kur Samsung do të lansojë Fan Edition. Sipas Android, mund të jetë në korrik ose gusht.
Hello.al
