Revolutionary Milestone: First Fish Fillet
Një printer 3D i ngjashëm me “Star Trek”, ushqim sipas kërkesës, sapo ka nxjerrë për herë të parë një fileto peshku.
Steakholder Foods, një biznes i ri me bazë në Izrael, prodhoi fileton e peshkut me 3D. “Një kohë e rëndësishme në historinë e industrisë ushqimore”, thotë Arik Kaufman, drejtor ekzekutiv i Steakholder Foods.
Kompania u bashkua me Umami Meats me bazë në Singapor për të krijuar fileton. “Në këtë shfaqje të parë, ne demonstruam një produkt të rritur që copëtohet, shijon dhe shkrihet në gojën tuaj si peshku”, është shprehur Mihir Pershad, bashkëthemelues dhe CEO i Umami Meats.
Ushqimet e detit dhe mish i rritur janë proteina të vërteta që rriten në një laborator duke përdorur qeliza staminale.
Industria e re synon të arrijë shijen e mishit konvencional, por pa kostot tradicionale si për kafshët ashtu edhe për mjedisin.
“Ne po konsumojmë mishin në të njëjtën mënyrë siç e kemi konsumuar mijëra vjet më parë, kështu kemi vendosur që të të marrim një qasje të re për të provuar dhe rishpikur mënyrën se si prodhohet mishi”, tha për CNN Kaufman
Para se të krijonte një fileto peshku, kompania kishte qëlluar kryesisht tek bifteku.
Procesi i rritjes së mishit fillon me qelizat atomike të marrë nga një kafshë dhe të rritura në bioreaktorë, sipas Orit Goldman, nënkryetare e biologjisë në Steakholder Foods. Qelizat diferencohen në qeliza muskulore ose dhjamore që në fund do të formojnë indet që do të bëjnë produktin përfundimtar të mishit.
Ato qeliza të diferencuara të muskujve dhe yndyrës konvertohen më pas në bio-bojëra (një formulim i qelizave dhe materialeve lidhëse) dhe vendosen në fishekë në printerin 3D. Procesi i printimit lejon bifteku të jenë të personalizuar duke i dhënë konsumatorëve mundësinë të zgjedhin përbërjen e yndyrës.
“Sekreti jonë është në aftësitë e printimit,” i thotë Kaufman CNN, dhe ndërsa shton se bifteku i printuar tani nuk ka të njëjtën shije dhe teksturë si bifteku i vërtetë, ai është i bindur se do të arrijnë t’i afrohen shijes brenda dekadës së ardhshme.
Izraeli, ku ka bazën Steakholder Foods, njihet si një vend lider në industrinë alternative të mishit dhe madje është shtëpia e kompanisë së parë që rrit mishin në hapësirë. Në tetor 2021, qeveria izraelite formoi një konsorcium të mishit të rritur të mbështetur nga 18 milionë dollarë fonde.
OKB-ja vlerëson se gati 90% e popullsisë globale të peshqve detarë janë të mbipeshkuar. Sa i përket mishit, rritja e bagëtive gjeneron gati 15% të emetimeve totale të gazeve serrë. Sipas një raporti të vitit 2022 nga Paneli Ndërqeveritar për Ndryshimet Klimatike, mishi i rritur në laborator mund të ndihmojë në uljen e këtyre emetimeve duke reduktuar përdorimin e tokës, ujit dhe lëndëve ushqyese.
Hello.al
