Rekord dronësh në “The Starry Night” – Van Gogh
600 dronë “shfaqën” kryeveprën e Van Gogh në Kinë.
“Nata me Yje” e Van Gogh u rikrijua në mënyra autentike nga artistët nëpër gjithë botën. Ajo u pikturua në mure dhe postera, me kokrra të kafesë, madje edhe në një rrugë bicikletash. Dukej sikur piktura ishte realizuar kudo.
Por Kina thyen normat e zakonshme, kur 600 dronë shfaqën “The Starry Night” në qiellin e natës në bashkinë Tianjin të Kinës veriore, duke vendosur një rekord botëror Guinness.
EFYI Group, një kompani e prodhimit të dronëve, së bashku me Universitetin Tianjin në Kinë, arritën rekordin për animacionin më të gjatë të kryer nga mjete ajrore pa pilot (UAV) me një kohë prej 26 minutash dhe 19 sekonda, sipas faqes së internetit të Guinness.
Hello.al
