Magjia Mesdhetare: Parku Karaburun-Sazan
Gjitarja e rrallë me emrin shkencor Monachus monachus e njohur si foka mesdhetare është e shpërndarë në luginën bregdetare shqiptare.
Në filmin e dërguar nga gazetari Mikel Marsi, ky gjitar duket në Parkun Kombëtar Detar Karaburun -Sazan, pjesë e zonave të mbrojtura të qarkut të Vlorës.
Më pak se 700 individë mendohet të kenë ngelur nga kjo lloj, gjë e cila e rendit ndër speciet e rrezikuara në mënyrë kritike si në Listën e Kuqe të llojeve në Shqipëri ashtu edhe në Listën e Kuqe të IUCN-së.
Administrata Rajonale e Zonave të Mbrojtura Vlorë, në partneritet me peshkatarët e zonës, akuakulturën dhe agjencitë turistike siguron informacionin e nevojshëm nga vëzhgimet në terren, bashkëpunim i nevojshëm për sigurimin e mbrojtjes së fokës dhe rritjen e mundësisë për suksesin e riprodhimit në vendin tonë.
Hello.al
