Kozmonauti Frank Borman – Fluturimi i parë rreth Hënës
Frank Borman, pionieri i misionit tërheqës Apollo 8, ka ndërruar jetë në moshën 95-vjeçare. Ai ishte komandanti i ekipazhit të parë që udhëtoi rreth Hënës.
“Frank Bormann ishte një hero i vërtetë amerikan. Përvoja dhe ekspertiza e gjerë e tij e bëri që NASA ta zgjidhte atë për t’iu bashkuar grupit të saj të dytë të astronautëve”, tha kreu i agjencisë amerikane të hapësirës, Bill Nelson.
Ai udhëtoi për herë të parë në hapësirë si komandant në bordin e anijes kozmike Gemini 7 në dhjetor 1965, së bashku me Lovell, i cili zgjati 14 ditë.
Misioni Apollo 8 u lancua në dhjetor 1968, me Frank Borman dhe dy astronautë të tjerë, James Lovell dhe Ëilliam Anders. Ai bëri histori në botën e kozmonautikës duke e bërë herën e parë që një ekipazh njerëzor u largua nga orbita e Tokës dhe hyri në orbitën e Hënës.
“Shërbimi i tij për NASA-n dhe kombin tonë do të frymëzojë pa mëdyshje brezin e Artemis për të arritur brigje të reja kozmike,” tha Bill Nelson.
NASA planifikon të kthehet në Hënë me programin Artemis, pasardhësin e Apollonit. Misioni Artemis 2 është planifikuar të nisë në fund të vitit 2024 dhe të rrotullohet rreth Hënës me një ekipazh në bord.
Hello.al
