iPhone 15: Modeli i fundit shfaq tej-nxehje në raportet e Apple
Që nga debutimi në treg të versionit në shtator, shumë konsumatorë kanë raportuar se pajisjet bëhen kaq të ngrohta sa nuk mund të preken me dorë.
Apple njoftoi se kishte zbuluar një virus në testimet e sistemit operativ iOS 17 të telefonit celular, dhe gjithashtu akuzonte ndryshimet në aplikacione të treta si Instagram, që shkaktonin tej-nxehjen e sistemit.
Shfrytëzuesit e iPhone kishin raportuar më herët se telefonat inteligjentë bëheshin më të ngrohtë gjatë përshtatjes fillestare në ndjeshmërinë e informacionit, por këto problem u përkeqësuan me modelin iPhone 15.
Apple tha se celulari bëhet më i nxehtë në ditët e para të përdorimit “pas caktimit fillestar të parametrave personale ‘setting up’, ose pas ricaktimit të parametrave ‘reset’, prej aktivitetit të shtuar te procesorëve në brendësi.
Kompania thoshte: “Kemi identifikuar disa gjendje që bëjnë që iPhones të bëhet më i ngrohtë nga sa prisnim.”
Në mes të shkaqeve përfshihej një element i panjohur në sistem operativ iOS 17, i cili është versioni më i ri i procesorëve të Apple, i përdorur në modelet më moderne.
Ata shtonin se “një tjetër problem ishin përditësimet e aplikacioneve të palëve të treta që shkaktonin një tej-ngarkesë të sistemit, si në rastin e aplikacioneve si Instagram, Uber ose lojra si Asphalt 9, argumentonte Apple.
Instagram njoftoi se kishte rregulluar problemet me aplikacionin e saj këtë javë.
Apple tha se ngrohja e celularëve nuk vinte nga veshja e re prej titani e modeleve iPhone 15 Pro dhe iPhone 15 Pro Max në vend të çelikut inoks që përdorej në modelet e mëparshme.
Ata refuzonin gjithashtu se problemi vinte nga porta e re USB-C që janë detyruar të instalojnë për të përputhur me rregulloret evropiane, dhe se ky nuk ka ndikim në performancën e celularit.
