BMW Largohet Nga Modeli Klasik
Kompania BMW Group është në gjendje të transformojë totalisht gamën e automjeteve dhe motoçikletave.
Prodhuesi gjerman do të paraqesë skemë tërësisht hibride dhe automjete tërësisht elektrike, ndërsa variantet me motor të brendshëm do të mbeten vetëm një pjesë e ofertës së tyre.
BMW ka publikuar një informacion të pasur financiar, duke raportuar se të ardhurat e tyre janë rritur në fund të vitit financiar 2019. Të ardhurat për këtë grup, i cili përfshin edhe markat e motoçikletave BMW, si dhe Mini dhe Rolls-Royce, kanë tejkaluar 100 miliardë euro për herë të parë në historinë e tyre.
Në një njoftim të gjatë, BMW bën të ditur se një ndryshim substancial në shumicën e automjeteve aktuale të BMW Group po vjen në periudhën e afërt, dhe një revolucion i plotë do të fillojë në vitin e ardhshëm.
Deri në 50% të modeleve tradicionale do të fshihen nga viti 2021 dhe më pas, duke u përqendruar në krijimin e arkitekturave të makinave më të avancuara dhe inteligjente, në favor të automjeteve elektrike të shtuara.
Njoftimi nuk përcakton detaje të modeleve specifike, por kuptohet qartë kalimi drejt elektrifikimit. Nisur nga viti 2021, BMW do të ndërmarrë hapa të mëdha në kalimin nga motori me djegie në platformat hibride dhe elektrike. Kjo nuk do të thotë që gjysma e modeleve të tanishme të BMW-së do të zhduken në vitet e ardhshme, megjithatë ka mundësi që ato të ulen në numër.
Hello.al
