Bitcoin: Rreziku i Pavlerësimit, Paralajmëron Banka e Anglisë
Enti bankar i Anglisë ka deklaruar kohët e fundit se monedha dixhitale bitcoin mund të kthehet “e pa vlerë” dhe se individët që investojnë në kriptovaluta duhet të jenë “gjithmonë të gatshëm të humbasin gjithçka”, raporton gazeta britanike The Guardian.
Institucioni bankar po vënë në dyshim stabilitetin e vlerësimit të kriptovalutës më të njohur, e cila aktualisht është në vlerën $50,000 për njësi.
Në muajin nëntor, çmimi i saj kishte arritur deri në $67,000 por më vonë pësoi disa rënje, derisa u stabilizua në nivelin aktual në javën e kaluar.
Zv. Guvernatori i bankës Sir Jon Cunliffe, deklaroi se banka duhet të jetë e përgatitur për të hapur rrugën për tregtimin e kripto-aseteve, pas rritjes së popularitetit të tyre.
“Vlera e tyre ndryshon shumë dhe [bitcoin] është teorikisht në rrezik të bjerë në zero,” tha ai për BBC.
Kapitalizimi i tregut të kriptovalutave ka arritur nën vlerën e $2.6 trilionë që nga viti 2020, duke përfaqësuar 1% të aseteve financiare globale.
Në Britani, sipas tij, rreth 2 milionë persona mbajnë vlera në bitcoin dhe asete të tjera si ethereum dhe Binance.
Banka thekson se ajo dhe institucione të tjera financiare po ndjekin me kujdes zhvillimet në tregun e kriptovalutave.
“Nevojiten rregulla të qarta, brenda dhe në nivel global, për të mbajtur nën kontroll rritjen e këtyre tregjeve, me qëllim të mbajtjes së besimit dhe integritetit në sistemin financiar”.
Një anëtar i stafit të bankës shpreh qëndrimin e tij se bitcoin ende nuk i përmbush kriteret e një valute stabile dhe rrezikon të mbetet i ndryshueshëm në vazhdimësi.
Thomas Belsham, i cili punon në departamentin e aksioneve dhe medias në bankë, thotë: “Problemi është se, ndryshe nga valutat e tjera, Bitcoin nuk përdoret për të vlerësuar gjëra të tjera përveç vetes. Ashtu siç thonë edhe entuziastët e tij, ‘një Bitcoin = një Bitcoin’”.
Deri më tani, janë në qarkullim rreth 19 milionë bitcoin, ndërsa vlerësimet e reja shtohen kur minatorët e tyre regjistrojnë transaksionet në librin ‘blockchain’ që kontrollon kriptovalutën.
Sipas Belsham, numri maksimal i Bitcoin pritet të arrihet rreth vitit 2140, kur do të jetë e vështirë që sistemi të vazhdojë funksionimin.
“Teoria thjeshtë na tregon se me kohë, realizohet një moment ku duhet të shtohen stimujt për të nxjerrë paratë, dhe kur të vijë ky moment, investitorët duhet të jenë të gatshëm për të humbur gjithçka”.
Hello.al
