Hyrje e ndaluar në WhatsApp për disa telefone
Nisur nga fillimi i vitit 2023, Whatsapp ka bërë të ditur se platforma e komunikimit me tekst dhe video do të ndalet të jetë efektive për 47 celularë, përfshirë disa modelet e Iphone.
WhatsApp zhvillon përditësime të rregullta dhe në disa raste celularët e vjetër nuk do të jenë më në gjendje ta mbështesin aplikacionin.
Në këtë rast, vetëm dy modelet e Iphone do të mos kenë më akses në platformën e mesazheve, së bashku me disa telefone inteligjente Android të vjetra.
Shumica e celularëve që do të përjashtohen janë lançuar në treg rreth një dekadë më parë, midis viteve 2012 dhe 2013. Me ardhjen e vitit të ri, WhatsAppi do të kërkojë sisteme më të përparuara të android dhe IOS.
“Për të vazhduar me avancimet më të fundit të teknologjisë, ne rregullisht ndalojmë mbështetjen e sistemeve operative më të vjetra për të fokusuar burimet tona në risitë e fundit. Nëse ndalojmë së mbështeturi sistemin tuaj operativ, do të njoftoheni dhe do t’ju kujtohet disa herë që të përmirësoni pajisjen tuaj për të vazhduar përdorimin e WhatsApp”, njoftoi kompania.
Hello.al
