1. Huawei Technologies 2. Alibaba Group 3. Tencent Holdings 4. Lenovo Group Limited
Qeveria amerikane ka zbuluar katër kompani të huaja teknologjike në listën e kompanive që thotë se kishin “ndërtuar dhe furnizuar me aplikacione kompjuterike spiunazhi qeveritë e huaja” dhe se ato “u përdorën për të shndërruar në qëllim të keq zyrtarë qeveritarë, gazetarë, biznesmenë, aktivistë, akademikë dhe punonjës të ambasadave.”
Departamenti i Shtetit akuzoi kompanitë për “angažim në veprimtari që dëmtojnë sigurinë kombëtare ose interesat e politikës së jashtme të Shteteve të Bashkuara”.
Kompanitë janë NSO Group dhe Candiru të Izraelit, Positive Technologies të Rusisë dhe Iniciativa për Sigurinë Kompjuterike të Singaporit PTE. LTD, raporton VOA.
Këto kompani tani do të përballen me kufizime të rënda në eksportimin e produkteve të tyre në SHBA dhe do ta bëjë të vështirë për firmat amerikane të sigurisë kibernetike t’u shesin atyre informacione që mund të jenë të dobishme në zhvillimin e produkteve të tyre.
“Kjo përpjekje ka për qëllim përmirësimin e sigurisë dixhitale të qytetarëve, luftimin e kërcënimeve kibernetike dhe zbutjen e mbikëqyrjes së paligjshme”, tha Departamenti i Shtetit.
Sipas agjencisë Reuters, si kompania NSO Group ashtu edhe Candiru janë akuzuar për shitjen e produkteve të tyre tek regjimet autoritare. NSO tha se ndërmerr veprime për të parandaluar abuzimin e produkteve të saj.
Kompania Positive Technologies ka qenë në pyetje më parë, pasi ishte sanksionuar nga administrata Biden sepse ka ofruar ndihmë për forcat ruse të sigurisë. Kompania tha se nuk ka bërë asgjë të keqe.
Asnjë nga kompanitë nuk komentoi për përfshirjen e tyre në listën e zezë.
Hello.al
